أحلى حاجة إن الإنسان فاكر إن ربنا خالق الكون دا عشانه...
وإنه مجرد مكان يسكن فيه...
دا حتى عم صلاح جاهين بيقول:
"إنسان... أيا إنسان ما أجهلكما أتفهك في الكون وما أضألكشمس وقمر وسدوم وملايين نجوموفاكرها يا موهوم مخلوقة لك؟!عجبى!"
إذا كان كدا، إيه لازمة كل الحاجات اللي حوالينا دي...؟!
كان كفاية قوي الشمس والأرض بتدور لوحدها حواليها في المدار المُخَصَّص ليها...
وخلاص على كدا!
إيه لازمة باقي الكواكب اللي بتدور حوالين الشمس...؟!
وإيه لازمة باقي الـ 200 - 400 مليار نجم اللي في المجرة اللي إحنا تبعها (مجرة "درب التبانة أو اللبانة")؟!
 |
صورة مُجَمَّعة لما يمكن أن تبدو عليه مجرة درب التبانة (أو كما تُعرَف بالإنجليزية "Milky Way")
Photo is property of the University of Wisconsin-Madison |
وإيه لازمة مليارات المجرات اللي فيها أعداد لا تُحصَى من النجوم اللي بتدور حوالينا؟!
وإيه لازمة الكون الفسيح اللي إحنا جزء ضئيل، متصاغر، متناهي في الصغر منه؟!
فسيح لدرجة إن العلماء بيقولوا إن اللي إحنا عارفين نشوفه منه دا مجرد جزء من كل...
الكل دا أكبر بكتير قوي من اللي عارفينه...
تقريبًا غير محدود لأنه مستمر في التمدد (يُقال إنه في كل ثانية يولد نجم جديد!)
دا طبعًا غير الأجرام السماوية الأخرى...
عشان بس يبقى عندنا فكرة، ولو بسيطة، عن الكون الرحب الفسيح الهائل الاتساع دا...
طبعًا عشان نعرف نقيس أي حاجة في الكون دا، لازم نشوف وحدة قياس تتناسب مع هذه المساحات الهائلة!
إحدى أشهر وحدات قياس الكون هي السنة الضوئية
وهي المسافة التي يقطعها الضوء في سنة...
وتساوي 9.5 تريليون كيلومتر (التريليون يعني 1 وقدامه 12 صفر)...
وعلى فكرة الضوء بيسافر بسرعة 299,792,458 متر في الثانية!
يعني 1,079,252,848 كيلومتر في الساعة!
وعلى فكرة الضوء بيسافر بسرعة 299,792,458 متر في الثانية!
يعني 1,079,252,848 كيلومتر في الساعة!
عشان بس نحاول نتخيل الموضوع:
الضوء مثلاً بيستغرق أكتر من 8 دقائق عشان يوصل من الشمس للأرض!
أيوة! الأشعة الشمسية اللي حضرتك بتستمتع بيها دي بتسافر بسرعة الضوء عشان توصل لك!
وعشان كدا النجوم الكتيرة اللي بنشوفها من الأرض... في واقع الأمر إحنا بنشوف ماضيها...
طبعًا عشان الضوء أخد وقت طويل قوي عشان يوصل لنا!
الأرض كوكب مش كبير على فكرة!
قطرها حوالي 12.756 كيلومتر
أما الشمس فقطرها حوالي 1.392 مليون كيلومتر...
يعني 109 مرة قدر قطر الأرض!!
أما مجرة درب التبانة اللي المجموعة الشمسية بتاعتنا تبعها فقطرها حوالي 100 ألف سنة ضوئية!
أنا مش قادر أتخيلها دي... بس لو فيه حد يقدر يتخيلها يبقى كويس!
دا أكتر من كدا كمان!
المجرات اللي فيها مليارات النجوم بتدور دي...
هي كمان بتدور حوالين بعضها في مجموعات (Galaxy Groups) ودي بيبقى فيها أقل من 50 مجرة...
يعني مثلاً المجموعة اللي فيها المجرة بتاعتنا قطرها حوالي 20 مليون سنة ضوئية!
لكن كمان فيه عناقيد مجرات (Galaxy Clusters)...
ودي بيبقى فيها من مئات إلى آلاف المجرات اللي بتدور حوالين بعضها!
ودي بيبقى فيها من مئات إلى آلاف المجرات اللي بتدور حوالين بعضها!
وفيه بقى عناقيد مجرات هائلة (Galaxy Super Clusters)...
ودي بيوصل طولها إلى 500 مليون سنة ضوئية وعرضها إلى 300 مليون سنة ضوئية!!
ودي بيوصل طولها إلى 500 مليون سنة ضوئية وعرضها إلى 300 مليون سنة ضوئية!!
الأعجب من الأحجام والمساحات والمسافات والكُتَل والطاقات الهائلة دي...
هو النظام اللي كل الحاجات دي ماشية بيه!
هو النظام اللي كل الحاجات دي ماشية بيه!
نظام عجيب جدًا!
كله بيدور في مدارات...
حسابات دقيقة جدًا!
حسابات دقيقة جدًا!
مستحيل مجرة تخرج عن إطارها المُحدَّد!
ومش ممكن نجم يخبط في نجم!
ولا كوكب يخرج خارج مداره!
ولا مُذَنَّب ولا ثقب أسود ولا سديم ولا أي حاجة تتحرك غير في المكان المحدد ليها!!
موضوع الدوران حول مركز دا مُهِم جدًّا!
من الذرة اللي فيها نواة وحواليها إلكترونات بتدور...
إلى المجموعة الشمسية...
إلى المجرات على اختلاف أنواعها وأشكالها...
كله... كله بيدور حول مركز!
وكأن الله، الخالق المُبدِع العظيم، عايز يفهمنا إنه مش إحنا المركز!
هو المركز! وإحنا بندور حواليه!
طيب إذا كان الكون اللامتناهي دا مش مخلوق عشان نعيش فيه وخلاص، يبقى إيه الهدف منه؟!
الهدف ببساطة هو إنه بيعكس مجد وعظمة وقدرة صانعه!
قال النبي داوود: "السماوات تُحَدِّث بمجد الله والفلك يُخبر بعمل يديه" (مزمور19).
كل واحد يعمل اللي على قده!
ودا بقى اللي ربنا يقدر يعمله!!!
طيب إذا كان الكون اللامتناهي دا مش مخلوق عشان نعيش فيه وخلاص، يبقى إيه الهدف منه؟!
الهدف ببساطة هو إنه بيعكس مجد وعظمة وقدرة صانعه!
قال النبي داوود: "السماوات تُحَدِّث بمجد الله والفلك يُخبر بعمل يديه" (مزمور19).
كل واحد يعمل اللي على قده!
ودا بقى اللي ربنا يقدر يعمله!!!
